電影發展基金 劇本孵化計劃

 【「劇本孵化計劃」最高可獲港幣41萬元資助】

各位編劇注意喇！政府早前透過「電影發展基金」推出五項主要措施，協助業界走過艱難時期，重新起動香港電影業。其中，「劇本孵化計劃」將於8月15日至10月14日接受申請，歡迎有志投身編劇工作人士同埋現職嘅編劇參加。

計劃旨在透過比賽及專人指導，發掘同埋培育本地編劇人才，為業界孵化高質素嘅劇本，協助提升本地電影製作嘅質素。計劃嘅總資助額高達800萬元！

計劃共分為四個階段進行，參賽者須分階段提交(1)故事大綱及概要、(2)分場及(3)劇本。喺唔同階段晉級嘅作品，同埋最後嘅得獎作品，都會得到資助，每階段嘅資助額分別係3萬、8萬同埋30萬元。計埋晒每個階段嘅資助，最終嘅獲勝作品，每部可以攞到成41萬蚊㗎！

而除咗比賽之外，計劃仲會安排講座俾參賽者，由資深編劇教授撰寫分場同埋劇本嘅技巧，另外又會配對參賽者同資深編劇進行個別劇本指導，以增加劇本嘅完整度。個計劃係咪好貼心呢？

你哋仲等乜嘢呢？仲唔快啲拎起支筆，開始創作？

「劇本孵化計劃」
申請日期：2020年8月15日至2020年10月14日
申請費用：免費
資助額：高達港幣41萬元
申請表格及指引：將於8月15日上載到 https://www.fdc.gov.hk/tc/home/

如有查詢，請電郵info@fdc.gov.hk或於辦公室時間 （星期一至五上午九時至下午六時）致電2594 5785 與香港電影發展局秘書處職員聯絡。

#劇本孵化計劃 #香港電影發展局 #創意香港

https://www.facebook.com/HKFFFI/posts/3153283284738955